Libe navèth e eveniments Reclams a l’entrada de l’abòr 
| « Lo camparòu”, un libe beròi taus mainats (5-9 ans). Ua istòria tota simpla: la vita d’un camparòu. Un maitin d’autona, Esconut devath l’arrosada, Un camparòu que sòrt de tèrra, Possant deu cap l’èrba... |
| Que ns’agradan hèra : Las beròjas illustracions de l’autora, lo son art de descríver la vita dens la natura tau com ei atau com la calma e la doçor desgatjats peu tèxte. |
| L’autora : Eva Cassagnet, neishuda a Mauborguet (65), que cultiva la passion de l’escritura e deu dessenh despuish l’enfança. Aquesta joena professora bilingüa occitan/francés que crea e illustra contes, poesias, istòrias de literatura de joenessa en prénguer de faiçon originau diferents tèmas. Que publica D’ont venon les estelas? en 2017, Lo joglar en 2018, Mès on ei? en 2021, Paraulinasen 2023, L’ors e las sasonsen 2024. Qu’ei tanben a l’origina de la seria TV Pelòt, lo Robin Hood gascon e de la seria Lo banc. 44 p. – 12 € ISBN : 978-2-487643-07-9 |