Er’ associacion deths Amics d’Aulús e dera Valea deth Garbet que comencèc d’organizar era transmission deths cants cuelhits en Coserans ara debuta deth trebalh d’Estelle Galin Harris tath recuelh intitulat Cants tradicionaus en Coserans. En julhet 2024, Pascal Caumont e Michaël Bourry que veneren tà Èrce taths prumèrs estagis de cant e musica ar’ iniciativa der’ associacion. Puèish seguiren talhèrs de cant mès regulars. Per esgard der’ escaduda dera sason passada, tara sason 2025-2026, er’ associacion que torna organizar 5 talhèrs de cant e duas cantadas (seradas tà cantar).
Datas deths talhèrs :
– dissabte 11/10/2025 e 8/11/2025 de 13h30 a 17h : Ost, sala deth Valier, rota d’Aulús,
– dissabte 10/01/2026 e 28/02/2026 de 13h30 a 17h : Èrce, Mairie,
– dissabte 28/03/2026, 13h30 – 17h : Ost, sala deth Garbet, a costat dera sala deth Valier,
– en abriu : participacion ara cantada deth hestenau Cesc’òc.
– dissabte 16 de mai de 2026 : cantada / cantèra – serada de cants tradicionaus deths Pirenèus, obèrta a totis, a Ost, sala deth Garbet.Informacions : chants.en.couserans@gmail.com .