Lo Papagai
Ua idèa de sortida en çò deus vesins de Rius (Volvèstre).
Los 5,6 e 7 de mai, Rius, ancian avescat suus bòrds de l’Arisa, va conéisher la soa holia annau : lo Papagai.
Despuish 1589, tots los prumèrs dimenches de mai, lo rei deus pacans (noms deus demorants de Rius) end’un an que serà lo qui harà caiger lo papagai dab lo son arc e las soas sagetas.
Tradicion deus « reiòts » deu pòble (qui com ende Carnaval un jorn per an èra tolerat peus notables locaus), ocupacion de la joenessa, preparacion de las milícias municipaus end’eventualas defensas ; tradicions passadas de mòda dab subervivenças (Carcassona dinca las annadas 1970, lo Puei en Velai enqüèra au dia de uei, Euròpa deu Nòrd egaument, Catalonha…)
Ací a Rius, qu’ei ua auta istòria. La vilòta que’s para de jaune e verd e de peunas end’ornar las carrèras, los arcs, los carcalhs… Las sagetas que son estadas fabricadas pendent l’ivèrn dab plumas de guit tà guidar-las de com cau. Ne’n cau un quinzenat a cada arquièr… Lo mast qui permet de hissar l’ausèth de husta e de hèr de 6,5 kg a 45 mètres de haut qu’ei estat montat corrent abriu e un centenat d’arquèrs qui deuràn tocar’u mei d’un centenat de còps abans deu desapitar deu son mast que son suu prat. Pas de contestacion, tots que saben qui a tocat lo darrèr e qui serà lo rei end’un an. Lo dissabte los petits e los mejans qu’auràn tirat au lor torn sus ausèths mensh hauts apitats. Sols los òmis de Rius, cooptats per la Companhia que tiran. Las hemnas qu’an de préner la lor plaça, que s’espèra dab impaciéncia. Plan evidentament, nombrosas legendas que’s son hargadas dens lo periòde, sus aqueth ausèth deu diable, seductor e temptator. Un aire de desfilat « lo Tantiròu » qu’ei jogat en bocla peus pacans.
Mescla de tradicions reïnventadas o doçament transformadas, eveniment màger ende las familhas de Rius, esteticas agradivas endeus fotografes, desfilats costumats Renaishença dens las carrèras, musicas occitanas (Boha Orchestra, Montanha Negra (convidats permanents despuish 20 ans), l’Orquèstra de carrèras deu Conservatòri Occitan… ua missa en occitan a la catedrala ende las e los qui n’an besonh, la quita hèsta heirèra. Ua idèa de passejada estonanta entad aqueth 7 de mai.
https://www.facebook.com/lepapogay
Qui serà le rei ? Ac saberam ua ora après sèt o ueit voladas.
Le gai se vei. P Cerruti, rei urós en 2022.
Une idée de sortie chez les voisins de Rieux Volvestre.
Les 5,6 et 7 mai, Rieux-Volvestre, ancien évêché sur les bords de l’Arize, va connaître sa folie annuelle : le Papogay.
Depuis 1589, tous les premiers dimanches de mai, le roi des pacans pour un an sera celui qui fera tomber le papogay avec son arc et ses flèches.
Tradition des « roitelets » du peuple (pour qui comme pour Carnaval un jour par an était toléré par les notables locaux), occupation de la jeunesse, préparation des milices municipales pour d’éventuelles défenses ; traditions tombées en désuétudes avec des survivances (Carcassonne jusque dans les années 1970, le Puy en Velay encore de nos jours, Europe du Nord également…)
Ici à Rieux, c’est une autre histoire. La petite ville se pare de jaune et vert et de pivoines pour décorer les rues, les arcs, les carquois… Les flèches ont été fabriquées pendant l’hiver avec des plumes de canard pour bien les guider. Le mât qui permet de hisser l’oiseau de bois et de fer de 6,5 kg à 45 mètres de haut a été monté courant avril et une centaine d’archers qui devront le toucher une bonne centaine de fois avant de le déquiller de son mât sont sur le pré. Pas de contestation, tous savent qui a touché le dernier et sera le roi pour un an. Le samedi les petits et les moyens auront tiré à leur tour sur des oiseaux moins haut perchés. Seuls les hommes de Rieux, cooptés par la Compagnie tirent. Les femmes doivent prendre leur place, on attend avec impatience. Bien évidemment, de nombreuses légendes se sont forgées dans la période, sur cet oiseau du diable, séducteur et tentateur. Un air de défilé « Le Tantiro » est joué en boucle par les rivoises et rivois.
Mélange de traditions réinventées ou doucement transformées, événement majeur pour les familles rivoises, esthétiques agréables pour les photographes, défilés costumés Renaissance dans les rues, musiques occitanes (Boha orchestra, Montanha Negra (invités permanents depuis 20 ans) Orchestre de rue du Conservatoire Occitan, Alchymère… une messe en occitan à la cathédrale pour celles et ceux qui en ont besoin, même la fête foraine. Une idée de promenade étonnante pour ce 7 mai.
