Album Languiment
o languiment, a l’encòp nostalgia e tristessa de sentí’s lonh deu país o de quauqu’un, mès tanben espèra deu retorn de quauqu’un o de quaucom com òm se langueish de l’arribada d’un amic, sòrta de saudade occitana, o « nostalgia deu futur ». Dens aqueste navèth àlbum qu’èi essajat de transpausar musicaument e poeticament aqueste sentiment tan prigond, pramor que’m sembla conténguer l’emocion contemporanèa deu mond, com presa dens un entrelutz.
A travèrs la mea òbra, que cèrqui a revelar los sentits mes personaus e universaus a l’encòp, díser deu mond los flus qui mos travèrsan, entre marmús e crit, entre desesperança e volontat de luta, entre dolor e doçor.
I retrobaratz quauques cançons meas dejà un pauc conegudas (Libertat, Cant de rua), ua majoritat de navetats en gascon, un duo damb la cantaira franco-malgasha Fifaliana Defontaines (Un jardin), la cançon en catalan Caminant qui ganhèc lo prèmi de la melhora cançon en catalan au festival Música i Lletra de Xàtiva 2021 (País Valencian), ua cançon en espanhòl entà hèr aunor a las meas influéncias latino-americanas e una cançon en francés en per evocacion poetica deu Canal de Brienne a Tolosa.
I escotaratz d’instruments variats com la guitarra classica, la guitarra portuguesa, l’od, la darbokè, lo cajon, e lo daf, tots jogats peu multi-instrumentista franco-tunisian Chokri Trabelsi, e lo violoncèle dens las mans de la musiciana parisiano-roergata Mathilde Comoy-Robert. La guitarra classica, lo piano e l’acordeon cromatic que m’acompanhan tanben.
Totas las dètz cançons que son heituras meas, e m’inspiri tostems d’aquò qui’m pertòca musicaument : lo fado, la cançon orientala, la morna capverdiana, la bossa, la trova latina e lo folksong.
Los enregistraments e lo mastering que’us hasoc lo Luis Mazzoni au Vintage Sound Studio de la Ciutat de la musica deu Garric en Tarn. Qu’es un engenhaire deu son hòrt reconegut en la region e que trabalhèc dejà damb Eric Fraj, Guillaume Lopez o Lolita Demonteil Ayral entre autes.
Lo grafisme de l’àlbum estoc hèit per l’illustrator gascon Ugo Bagnarosa, amic d’enfància qui’m segueish e m’acompanha dens los mens projèctes dempuish la debuta.
* Entà descobrir las paraulas de las cançons de l’àlbum: https://trobasons.viasona.cat/a/1533
Album Languiment,
La langueur, à la fois nostalgie et tristesse de se sentir loin du pays ou de quelqu’un, mais aussi attend du retour de quelqu’un ou de quelque chose comme on se languit de l’arrivée d’un ami, sorte de saudade occitane, ou « nostalgie du futur ». Dans ce nouvel album j’ai essayé de transposer musicalement et poétiquement ce sentiment si profond, parce que qu’il me semble contenir l’émotion contemporaine du monde, comme il prise dans un clair-obscur. À travers mon œuvre, je cherche à révéler les sentiments les plus personnels et universels à la fois, dire du monde les flux qui nous traversent, entre murmure et cri, entre désespoir et volonté de lutte, entre douleur et douceur. Vous y retrouverez quelques chansons à moi déjà un peu connues (Liberté, Chant de rue), une majorité de nouveautés en gascon, un duo avec la chanteuse franco-malgache Fifaliana Defontaines (Un jardin), la chanson en catalan Caminant qui gagna le prix de la meilleure chanson en catalan au festival Música y Lletra de Xàtiva 2021 (Pays Valencien), une chanson en espagnol pour faire honneur à mes influences latino-américaines et une chanson en français en échange d’évocation poétique de Canal de Brienne à Toulouse. Vous y entendrez des instruments variés comme la guitare classique, la guitare portugaise, l’oud, la darboka, le cajon, et le daf, tous joués par le multi-instrumentiste franco-tunisien Chokri Trabelsi, et le violoncelle dans les mains de la musicienne parisiano-rouergate Mathilde Comoy-Robert. La guitare classique, le piano et l’accordéon chromatique m’accompagnent aussi. Les dix chansons sont de ma facture, et je m’inspire toujours de ce qui me concerne musicalement : le fado, la chanson orientale, la morna cap-verdienne, la bourse, la troba latine et le folksong. Les enregistrements et le mastering ont été réalisés par Luis Mazzoni au Vintage Sound Studio de la Cité de la musique du Garric au Tarn. C’est un ingénieur de son fort reconnu dans la région et il a déjà travaillé avec Eric Fraj, Guillaume Lopez ou Lolita Demonteil Ayral entre autres. Le graphisme de l’album a été conçu par l’illustrateur gascon Ugo Bagnarosa, ami d’enfance qui me suit et m’accompagne dans mes projets depuis le début.
* Pour découvrir les paroles des chansons de l’album : https://trobasons.viasona.cat/a/1533